logo

भिडन्तका नाममा मरिन्छकि भनेर पिसाब फेरिन :रञ्जित तामाङ

संबाददाता

Loading…

भदाै २२

१५ माघ ०६० मा बाबुराम भट्टराईको नेतृत्वमा दोस्रो वार्ता समिति बन्यो । उहाँहरू कीर्तिपुरबाट सार्वजनिक हुनुभयो । त्यसपछि हामीमा उत्साह थपियो । माओवादीका मुद्दाहरू पुनरावेदन अदालतले हेर्ने भनियो । हामीले पनि अदालत जाने निर्णय गर्‍यौँ । सुरुमा सँगै भएका बन्दीमध्ये सातजना पुरावेदन अदालत जाने निर्णय गर्‍यौँ । पुनरावेदन गएर रिहा भएकामध्ये दुईजनालाई नक्कली मुद्दा लगाइयो । यातनाका कारणले उहाँहरू डिप्रेसनमा पर्नुभयो ।
जेलनजिकै रहेको लाइब्रेरीमा कसैले कम्युनिस्ट विचारधाराका पुस्तकहरू पढेको छ भने प्रशासनले खोस्ने गथ्र्यो । हामीलाई असाध्यै मानसिक यातना दिइएको थियो । त्यही क्रममा २१ चैत ०६० मा मलाई पुनरावेदन अदालत इलाम झिकायो र रिहा गर्न आदेश दियो । तर, अदालत परिसरभित्रै लखेटेर प्रहरीले पुनः पक्राउ गर्‍यो । त्यो दिन अब मलाई पनि नक्कली मुद्दा लगाएर यातना दिन्छ भन्ने लाग्यो । सुरुमा इलामको जिल्ला प्रहरी कार्यालयमा राख्यो । तर, राति झापा लैजाने भन्यो । मेरो मनमा डर पस्यो । राति झापा लाने क्रममा दोहोरो भिडन्तको नाममा मलाई बाटोमै गोली ठोकेर मार्छन् कि भन्ने लाग्यो । झापासम्म लैजाँदा बाटोमा मनमा धेरै कुरा खेले ।
त्यतिखेर पिसाबले च्यापेको थियो । तर, जबर्जस्ती रोकेँ । भाग्न खोजेको बहानामा सिध्याउलान् भन्ने डरले पिसाबको पीडा दबाएर राखेँ । बिहान ३ बजेतिर जिल्ला प्रहरी कार्यालय झापाको हिरासत पुर्‍यायो । त्यो हिरासतमा अन्य माओवादी बन्दी थिएनन् । केही मादक पदार्थ सेवन गरेका व्यक्ति थिए । उनीहरू मलाई थर्काउँथे । भोक खुबै लागेको थियो । त्यसो त बाटोमा प्रहरीले समोसा र तरकारी दिएका थिए । तर, खाएको थिइनँ । विष मिसाएर मार्न खोजेको हो कि भन्नेसम्म सोच्न पुगेँ । झापा प्रहरी कार्यालयमा पुगेपछि भोक लागेको कुरा सुनाएँ । उनीहरूले भात ल्याइदिए । पत्रिकाले छोपेर ल्याएको भातमा १०–१२ वटा साङ्ला मरेका रहेछन् । भोक लागे पनि खान सकिनँ । अब भोकले भन्दा पीडाले मलाई बढी सतायो । त्यो घटनामा आँसु थाम्न सकिनँ । खाना लिएर आउने प्रहरीले माथि–माथिको फालेर खान भन्यो । तर, मैले खाइनँ ।( तामाङ नव निर्वाचित अखिल क्रान्तिकारिका अध्यक्ष हुन् ।)
(नया पत्रिका)

२२ भाद्र २०७४, बिहीबार ०८:५१ मा प्रकाशित

समाचार

अलपत्र परेका एकसिङ्गे गैँडाको अनुगमन गरिने

– नारायण ढुंगाना रत्ननगर, चितवन, ५ असोज प्राकृतिक प्रकोपका कारण दुर्लभ वन्यजन्तु एकसिङ्गे...... पूरा पढ्नुहोस् »

राजधानीमा मरेका खसीबोका भित्राउदै

  काठमाडौँ, ५ असोज महानगरीय प्रहरी प्रभाग नागढुंगाले २८ वटा मरेका खसीबोका बरामद गरेको छ...... पूरा पढ्नुहोस् »

सर्लाहीको पर्सा गाउँपालिकामा संघीय समाजवादी फोरम विजयी

सर्लाही, असोज ५ – सर्लाहीको पर्सा गाउँपालिका अध्यक्षमा संघीय समाजवादी फोरमका उम्मेदवार...... पूरा पढ्नुहोस् »

हंसपुर नपामा राजपा विजयी

  जनकपुरधाम, ४ असोज ९रासस० ः धनुषा जिल्लाको हंसपुर नगरपालिकामा राष्ट्रिय जनता पार्टीका...... पूरा पढ्नुहोस् »

दसैंमा टेलिकमको छुट, रिचार्ज गर्दा १० प्रतिशत बोनस

नेपाल टेलिकमले विजया दशमीको उपलक्ष्यमा विगत वर्षहरुमा जस्तै यस वर्ष पनि छुट...... पूरा पढ्नुहोस् »

राष्ट्रिय गौरवका आयोजनालाई चुस्त बनाउन निर्देशन

  काठमाडौँ, ४ असोज व्यवस्थापिका–संसद्, विकास समितिले राष्ट्रिय गौरवका आयोजनाको...... पूरा पढ्नुहोस् »

महोत्तरीका २३ वडाका नतिजा सार्वजनिक

  गौशाला, ४ असोज प्राप्त पछिल्लो मतपरिणामअनुसार महोत्तरीेमा नेपाली काँग्रेसले नौ...... पूरा पढ्नुहोस् »

एक सय ७८ वडाको मतपरिणाम सार्वजनिक

  काठमाडौँं, ४ असोज प्रदेश नम्बर २ का आठ जिल्लामा सोमबार भएको निर्वाचनको हालससम्म एक सय ७८...... पूरा पढ्नुहोस् »

सिरहामा १८ वटा वडाको मतपरिणाम, माओवादी केन्द्र अगाडि

लहान, ४ असोज स्थानीय तह निर्वाचनअन्तर्गत असोज २ गते सम्पन्न मतदानको गणना कार्य सिरहामा जारी छ...... पूरा पढ्नुहोस् »

सडक दुर्घटनामा दुईको मृत्यु

काठमाडौँ, ४ असोज तीनकुनेनजिक गए राति भएको सडक दुर्घटनामा दुई जनाको मृत्यु भएको छ...... पूरा पढ्नुहोस् »