logo

बाह्र वर्षीया बालिकाले वालुवा बोकेर चर्पि बनाइन

संबाददाता

Loading…

भद्रपुर, ११ पुस
खाने मुखलाई जुंगाले छेक्दैन भन्ने उदाहरण पेश गरेकी छन् शिवसत्ताक्षी नगरपालिका वडा नं ५ निवासी अशिका राजवंशीले ।

उमेरले १२ वर्ष नकाटेकी शिवगञ्ज जनआदर्श माध्यमिक विद्यालयमा कक्षा ६ मा अध्ययनरत उनले हालै नदीबाट बालुवा ल्याएर आफ्नो घरमा शौचालय बनाएकी छिन् ।

घरको आर्थिक अवस्था निकै कमजोर, बुबा बिरामी र आमा बेरोजगार भएपनि अशिकाले हिम्मत गरेर बनाएको चर्पीले गाउँका मानिस पनि दंग परेका छन् ।

शिवसत्ताक्षी नगरपालिकामा खुल्ला दिसामुक्त अभियान थालनी भएपछि अशिकालाई चर्पी बनाउने चिन्ताले पिरोलेको थियो ।

चर्पी बनाउनका लागि उनी आफैँले नदीबाट बालुवा बोकेर ल्याएपछि अभियानकर्ताले खाल्डो खनी रिङ बनाउन लगाएर चर्पी बनाएका थिए ।

सुकुम्बासी अशिकाले गाउँमा चर्पी बनेको देखेर चर्पी बनाउने अठोट गरिन् र सधैँ खुल्ला ठाउँमा शौच गर्नुपर्ने बाध्यतालाई पनि सधैँका लागि बिदा दिइन् ।

“चर्पी बनाउनका लागि सम्झाउन आउने दाइ दिदीहरुलाई नै खाडल खन्न लगाएँ”, उनले भनिन्, “मैले खोलाबाट बालुवा बोकेर ल्याएँ, अभियानकर्ता दुर्गा र गणेश दाइले रिङ राख्ने खाडल बनाइदिनुभयो, समुदायको सहयोगमा गरेर चर्पी बन्यो ।”

अशिकासहित अहिले पाँचगाछीका सबै घरमा चर्पी बनेको छ । चर्पीको प्रयोग अनिवार्य गराउन अभियानकर्ताले साँझ बिहान खुल्ला ठाउँमा दिसा हुने स्थानमा गस्ती गरिरहेका छन् ।

जनप्रतिनिधि र महिला स्वास्थ्य स्वयंसेविकाले चर्पीमा मात्र दिसापिसाब गर्न र जोखिमपूर्ण अवस्थामा साबुन पानीले हात धुन सुझाइरहेका छन् ।

समुदायका युवा र वडास्तरीय समितिका प्रतिनिधि खुल्ला दिसामुक्त घोषणाको तयारीमा लागेका छन् ।

“एक जुगमा एक पटक हुने खुल्ला दिसामुक्त घोषणालाई सभ्य र भव्य तरिकाले मनाउने तयारीमा वडाहरु लागेका छन्”, पाँचगाछीमा नै रहेर अभियान सहजीकरण गरिरहेको सगरमाथा सामुदायिक विकास केन्द्रका कार्यक्रम संयोजक सोमनाथ आचार्यले बताउनुभयो ।

दुई हजार ४३२ घरधुरी रहेको पाँचगाछीमा खुल्ला दिसामुक्त अभियान थालनी हुनुअघि एक हजार ४८७ घरधुरीमा सुरक्षित चर्पी थिए भने खुल्ला दिसामुक्त अभियानका क्रममा ९४५ घरमा सुरक्षित शौचालय निर्माण गर्नुपर्ने भए पनि बसाइँ सराइ र संयुक्त शौचालय प्रयोग गरेकाकारण ८१८ घरायसी शौचालय निर्माण गरी पाँचगाछीलाई खुल्ला दिसामुक्त अवस्थामा पु¥याएको वडा नं ४ का अध्यक्ष अधिकचन ताजपुरियाले जानकारी दिनुभयो ।
–––

११ पुष २०७४, मंगलवार १३:३० मा प्रकाशित

समाचार

निसीमा पहिराेले घरपुर्दा सासुबुहारी बेपत्ता

बागलुङ : जिल्लाको निसीखोलामा अविरल वर्षाका कारण पहिरोले घर पुरिँदा दुई जना बेपत्ता भएका छन्।...... पूरा पढ्नुहोस् »

लोकमार्गमा वर्षाले सास्ती

 –राम थापा बागलुङ, २९ साउन मध्यपहाडी पुष्पलाल लोकमार्गमा कष्टपूर्ण यात्रा गर्नुपर्ने...... पूरा पढ्नुहोस् »

बिजय राना लाई सनराईज र यूके एकेडेमि बिधालय बाट १० हजार ३० रुपैया सहयाेग

बागलुङ, श्रावण २७ गते। नागरिक अचियान मार्फत पत्रकार यवं अधिकारकर्मि बिजय राना लाई सनराईज र...... पूरा पढ्नुहोस् »

बागलुङमा गोठ भत्किदा ९ चौपायाको मृत्यु

सीताराम थापा बाग्लुङ जिल्लाको निसीखोला गाउपालिकामा एक कृषकको गोठ भत्किदाँ आफुले पालेका ९...... पूरा पढ्नुहोस् »

बर्सौदेखि दलित बस्ती पहिरोका त्रासमा

सिताराम थापा श्रावण २६ गते । पर्वत, बर्षातको कारण जलजला गाउपालीका( फर्से, लस्तिमा गरिब दलित...... पूरा पढ्नुहोस् »

विद्यामन्दिर विद्यालय बाट ३३ हजार ६ सय १५ सहयोग ।

सिताराम थापा बागलुङ बिहिबार साझेदारि नागरिक संजालले बिद्यामन्दिर मावि बाट एनिमिया रो पीडित...... पूरा पढ्नुहोस् »

टयारोट कार्डको माध्यमबाट मानिसको भविष्य बताउने पहिलो नेपाली महिला जापान आउने।

ज्याक खड्का -टोकियो   टयारोट कार्डको माध्यमबाट मानिसको भविष्य बताउने पहिलो नेपाली महिला...... पूरा पढ्नुहोस् »

चौतारामा बाल विकास महोत्सव

चौतारा, २० साउन सिन्धुपाल्चोकको चौतारामा आज प्रथम बाल विकास महोत्सव आयोजना गरिएको छ । बाल...... पूरा पढ्नुहोस् »

ढुंगाले लागेर सैनिकको मृत्यु

बैतडी, २० साउन ढुंगाले लागेर बैतडीमा आज एक सैनिक जवानको मृत्यु भएको छ । मृत्यु हुनेमा...... पूरा पढ्नुहोस् »

मध्यपहाडी लोकमार्ग अवरुद्ध

बागलुङ, २० साउन ९ अविरल वर्षापछि खसेको पहिरोले मध्यपहाडी पुष्पलाल लोकमार्गको बागलुङ खण्ड...... पूरा पढ्नुहोस् »