logo

साइप्रससहित युरोपेली मुलुकमा श्रम स्वीकृति बन्द,

Tilak Bohara

Loading…

कामदार निर्देशिका चौथो संशोधनअनुसार श्रम सम्झौता नभएका कुनै पनि मुलुकका लागि घरेलु कामदारलाई श्रम स्वीकृति दिन मिल्दैन : विभाग
मलेसियासहितका ४२ मुलुकको श्रम स्वीकृतिमा रोक लगाइएको हो, युरोपेली मुलुक यसमा पर्दैनन् : व्यवसायी

काठमाडौँ — वैदेशिक रोजगार विभागले साइप्रसलगायत युरोपेली मुलुकमा घरेलु कामदारको श्रम स्वीकृतिमा आइतबारदेखि रोक लगाएको छ । घरेलु कामदार निर्देशिका सबैतिर आकर्षित हुने भन्दै विभागले युरोप जाने घरेलु कामदारलाई पनि श्रम स्वीकृति दिन रोक लगाएको हो । घरेलु कामदारको निर्देशिकामा दुई देशबीच श्रम सम्झौता नभएसम्म श्रम स्वीकृति नदिने उल्लेख छ ।

घरेलु कामदार निर्देशकाको चौथो संशोधनपछि खाडी र मलेसियासहित ४२ देशमा घरेलु कामदार पठाउन सरकारले एक वर्षअघि नै रोक लगाएको थियो । तर, साइप्रससहित युरोपका देश जानेलाई भने श्रम स्वीकृति दिइरहेको थियो । बिदामा आएकाले अब पुन: सोही देश गएर काम गर्न पाउने छैनन् । ‘घरेलु कामदारको विषयमा विवाद नै छैन । जुन देशमा श्रम सम्झौता छ, त्यो देशमा मात्रै श्रम स्वीकृति प्रदान गर्ने हो,’ विभागका महानिर्देशक भुवन आचार्यले कान्तिपुरसँग भने, ‘श्रम सम्झौता नभएकालाई स्वीकृति दिनु मनासिव हुँदैन ।’

साइप्रस मामिला हेर्दै आएको इजरायलस्थित नेपाली दूतावासले बिनाश्रम सम्झौता म्यानपावरले घरेलु महिला कामदार पठाइरहेको भन्दै श्रम मन्त्रालयको ध्यानाकर्षण गराएको थियो । दूतावासले साइप्रसमा पनि घरेलु कामदार निर्देशिका कार्यान्वयन हुनुपर्ने भन्दै मन्त्रालयको भूमिकाप्रति नै प्रश्न उठाएको थियो । पछिल्लो समय युरोपको मुलुक भन्दै घरेलु कामदारमा साइप्रस जानेको संख्या बढेको थियो । म्यानपावरलाई ३ लाख रुपैयाँसम्म बुझाएर साइप्रस जाने क्रम बढिरहेको थियो । आर्थिक वर्ष २०७३/७४ मा घरेलु कामदारका रूपमा विदेश जाने महिलाको प्रमुख गन्तव्य साइप्रस बनेको थियो । यस वर्ष १ हजार १ सय ६४ महिला साइप्रस गइसकेका छन् । अहिले पनि हरेक महिना एक सयजति संख्यामा महिला साइप्रस गइरहेका छन् ।

वैदेशिक रोजगार व्यवसायी संघले भने साइप्रससहितका युरोपेली देशमा घरेलु कामदार निर्देशिका लागू नहुने दाबी गरेको छ । ‘सरकारले घरेलु कामदार निर्देशिका लागू गर्ने भनिएका ४२ देशभित्र युरोपका देश पर्दैनन्,’ संघका अध्यक्ष रोहण गुरुङले भने । कान्तिपुर बाट

१५ फाल्गुन २०७४, मंगलवार ०२:१५ मा प्रकाशित

समाचार

अध्यक्ष दाहाल अस्वस्थ,,

मंगलबार, ८ माघ काठमाडौं, माघ ८ । नेपाल कम्युनिस्ट पार्टी नेकपाका अध्यक्ष पुष्पकमल दाहाल...... पूरा पढ्नुहोस् »

दोलखाको लामोसॉघु जिरी सडकस्थित २७ सय मिटर अग्लो खरिढुङ्गामा हिमपात सुरु,,

माघ ९, दोलखा दोलखाको उच्च स्थानमा आज बिहानदेखि हिमपात भइरहेको छ । यो वर्षको सबैभन्दा ठूलो...... पूरा पढ्नुहोस् »

सामुदायिक भवनमा रक्सी भट्टी, स्थानीय सरकार नै लाचार,,

माघ ८,रामेछाप रामेछाप जिल्लाको सुनापतिमा स्वास्थ्य संस्थाकै आँगनमा भट्टी सञ्चालन हुँदा...... पूरा पढ्नुहोस् »

ल्होछारको अवसरमा सुनापति गाउँपालिकाले तीन दिन सार्वजनिक विदा दियो ,,

अनिता थापा मगर ८ मंसिर, रामेछाप । रामेछापको सुनापति गाउँपालिकाले ३ दिन सार्वजनिक दिने भएको छ...... पूरा पढ्नुहोस् »

डेनमार्कमा मनाइयो तमु ल्होसार

कोपनहेगन, २१ जनवरी ।  ल्होसारको अबसरमा डेनमार्कमा रहेका तमुहरु भेला भएर भब्य रुपमा मनाएका...... पूरा पढ्नुहोस् »

सुनकोशी नदीमा निर्माण गरिएको अवैध कल्भर्ट बन्द गर्न माग गर्दै पर्यटन मन्त्रालयमा उजुरी ,,

  माघ ७ रामेछाप रामेछाप जिल्लाको खाँडादेवी गाउँपालिका–१ कोथवे र सिन्धुली जिल्लाको...... पूरा पढ्नुहोस् »

“लामकि नलाम पिरती”गायक भिम पौडेल अन्योलमा परे।

दबङ आशिष:-नेपाली लोक गित क्षेत्रमा भविस्य खोज्दै दत्तचित्त भएर अगाडि बढीरहेका गायक भिम...... पूरा पढ्नुहोस् »

बधाई !रबि लामिछाने र निकिता पौडेलले गरे कोट म्यारिज,,

माग ७ चर्चित पत्रकार रबि लामिछानेले बिबाह गरेका छन । पहिलेको श्रीमती संगै डिर्भोस भए सगै...... पूरा पढ्नुहोस् »

रामेछापको मच्छेडाँडीमा भएको बस दुर्घटनामा : मृत्यु हुनेको संङख्या २ पुग्यो,,

अनिता थापा मगर ६ माघ, रामेछाप । रामेछापमा भएको बस दुर्घटनामा मृत्यु हुनेको संङख्या २ पुगेको...... पूरा पढ्नुहोस् »

रामेछापको मच्छेडाँडीमा बस दुर्घटना १ को मृत्यु २५ घाइते ,,

अनिता थापा मगर माग ६, रामेछाप रामेछापमा बस दुर्घटना हुदा एक जनाको ज्यान गएको छ । रामेछापको...... पूरा पढ्नुहोस् »