logo

भारतिय प्रधानमन्त्रीको सम्बोधनसँगै नेपाल-भारत सम्बन्धमा आईसब्रेक : भारतीय नेताहरु

संबाददाता

Loading…


काठमाडौं, २४ चैत्र । भारतीय नेताहरुले प्रधानमन्त्री नरेन्द्र मोदीको सम्बोधनलाई ऐतिहाँसिक र नेपाल-भारत सम्बन्धमा उनको सम्बोधन आईसब्रेक भएको बताएका छन् ।

दुई देशको प्रतिनिधिमण्डलबीचको भेटवार्तापछि आयोजित संयुक्त पत्रकार सम्मेलनमा भारतीय प्रधानमन्त्री मोदी र नेपालका प्रधानमन्त्री केपी शर्मा ओलीले नेपाल र भारतको समृद्धिमा एक अर्काको सहयोग र सहकार्य हुने आफूहरुको चाहना रहेको बताएका छन् ।

सम्बोधनको क्रममा मोदीले आफू र ओलीको विकास अभियानसम्बन्धी भिजन एकै प्रकारको रहेको बताएका थिए । मोदीले सगरमाथाको देशलाई सागरसँग जोडिने बताए । त्यसैगरी काठमाडौंलाई रेलले भारतसँग जोड्नेसमेत बताएका थिए ।

सम्बोधनको क्रममा ‘हामी एउटा नमुना सम्बन्ध विकास गर्न चाहन्छौं, जसले दुबै देशको समृद्धि सँगसँगै हुनेछ’ प्रधानमन्त्री ओलीले भनेका छन् । उनले समृद्धि नेपाल र भारतको संयुक्त एजेण्डा भएको पनि बताएका थिए ।

मोदीको सम्बोधनपछि नयाँ दिल्लीमा रहेका पत्रकार ऋषि धमलासँगको कुराकानीमा भारतीय नेताहरुले संयुक्त पत्रकार सम्मेलनमा मोदीले नेपाल र नेपालीहरुको मन जितेको बताए ।

भारतका पेट्रोलियम एवम् नेचुरल ग्याँसमन्त्री धर्मेन्द्र प्रधानले धमलासँगको कुराकानीमा भने,“मोदीजीले नेपालीहरुको मन जितेका छन्, उहाँले नेपालको विकासमा भारतले हरतरहाको सहयोग गर्ने प्रतिबद्धता जनाउनुभएको छ। यो खुशीको कुरा हो।”

भारतीय गृहमन्त्री राजनाथ सिंहले पनि मोदीले नेपालको विकासप्रति चिन्ता लिनुभएको बताए । उनले भने,“उहाँको एकमात्रै चिन्ता भनेको नेपाल र नेपालीहरुको विकास चाँडै होस् भन्ने नै छ, नेपालको समृद्धिको यात्रामा भारतको बलियो साथ रहने कुरा मोदीजीले बताउनुभयो, यो सुखद् पक्ष हो।”

ओलीको भारत भ्रमणसँगै नेपाल र भारतबीचको सम्बन्धमा नयाँ अध्याय सुरु भएको छ । मन्त्री सिंहले थपे,“मोदीको साथ नेपालतिर छ, उहाँको सम्बोधनपति म उत्साहित भएँ । मोदीको भाषण नेपाल भारत सम्बन्धको लागि आईसब्रेक भयो ।”

त्यस्तै कन्जुमर अफेयर्स मन्त्री रामभिलास पासवानलेपनि मोदीको आजको सम्बोधनलाई ऐतिहाँसिक भएको बताउँदै मोदीले नेपालीहरुको मन जितेको विश्वास दिलाए । पासमानले आजको सम्बोधनसँगै नेपाल र भारतबीचको रहेका सबैखाले अविश्वास हटेको दाबी गरे ।

त्यस्तै अर्थमन्त्री अरुण जेट्लीले पनि भारतले नेपालको आर्थिक विकासमा दिल खोलेर सहयोग पुर्याउने बताउँदै मोदीको आजको सम्बोधनलेपनि त्यही मार्गदर्शन गरेको सुनाए ।

भारतीय सत्तारुढ दलमात्रै नभएर प्रतिपक्षी दल कंग्रेस आईका नेताहरुलेपनि आज मोदकिो सम्बोधनको खुलेरै प्रशंसा गरे । नेता मणिशंकर ऐरले पनि मोदीले राम्रो बोलेको बताए । नेपालमा अब विकास र समृद्धिको बारी आउने उनको विश्वास छ ।

अर्का नेता डा. करण सिंहले पनि मोदीले आज एकदम राम्रो बोलेको सुनाए । धमलासँगको संक्षिप्त कुराकानीमा सिंहले भने,“मोदीजीले साँच्चिकै आज धेरै राम्रो बोल्नुभयो, दुई देशबीचको सम्बन्धलाई सही ढंगले अघि बढाउने उहाँको स्पिरिट छ, यसलाई आगामी दिनमा अझै मजबुद बनाउँदै लानुपर्छ ।”
त्यस्तै भाकपा माक्र्सवादीका महाचिव सिताराम यचुरीले पनि मोदीले बोलेको कुरा व्यवहारमा उतार्न सके द्धिपक्षीय सम्बन्धमा नयाँ आयाम थपिने विश्वास दिलाए ।

२४ चैत्र २०७४, शनिबार १६:५६ मा प्रकाशित

समाचार

मेयर सायब !बागलुङ बजार स्मार्ट सिटि कि कुकुर सिटि ?

दुई दिन अघि मात्रै राति माेटरसाइकल चढेर काेठातिर जाँदै गर्दा बागलुङ बजारमा भुस्याहा कुकुरले...... पूरा पढ्नुहोस् »

रेलमार्ग निर्माणका लागि घरघुरी सर्भेक्षणको काम अन्तिम चरणमा

कञ्चनपुर, ६ असोज मेची–महाकाली विद्युतीय रेलमार्ग निर्माणका लागि विस्तृत परियोजना...... पूरा पढ्नुहोस् »

नेपाल मावि तारामा अतिरिक्त कार्यक्रम सम्पन्न

खगेन्द्र विश्वकर्मा । नेपाल मावि अन्तर्गत बालकलवले गरेका अान्तरिक कार्यक्रममा रस्साकसि,...... पूरा पढ्नुहोस् »

छानहुन अन्तराष्ट्रिय सम्मेलनमा भाग लिन चिन गएको नेपाली टोली स्वदेश फिर्ता

बागलुङ, ४ असोज । गत सेप्टेम्वर १३ देखि १६ सम्म, तीनदिने अन्तराष्ट्रिय तेक्वान्डो सेमिनारमा...... पूरा पढ्नुहोस् »

कुकुरले  लखेटेर   माेटरसाइकल दुर्घटना हुंदा लेखानीका एक युवाकाे ज्यान  गयाे

बागलुङ, ३ असोज–बागलुङमा गत राति  ११.३0  बजेतिर  मोटर साईकल सवार  एक  युवालाई कुकुरले  लखेटेपछि ...... पूरा पढ्नुहोस् »

बागलुङमा पहिराेमा परि एक महिलाकाे मृत्यु

बागलुङ, असोज १ । बागलुङको बडिगाढ गाउँपालिका वडा नं. ७ को तिरतिरे खोलाको पहिरोमा परि एक जनाको...... पूरा पढ्नुहोस् »

जन प्रेम मावि भुस्कातमा बालदिवश विशेष कार्यक्रम सम्पन्न

बागलुङ, ३० भदौ — जिल्लाको ताराखोला गाउँपालिकामा रहेको जनप्रेम माध्यामिक विद्यालयले ५४ औं...... पूरा पढ्नुहोस् »

सिर्जना सास्कृतिक परिवार विहुकाे तिज मेला जारि, सज्जन र हरिसंग यसरी रमाए दर्शक

बागलुङ सिर्जना सास्कृतिक परिवार विहु जुकेपानीकाे छैठाै बार्षिकाेत्सव तथा तिज मेलाकाे...... पूरा पढ्नुहोस् »

थुनिएकाे बडिगार्ड खाेला बग्न थाल्याे, जाेखिम कम हुँदै

बागलुङ , २०७५ भदौ ३० । हिजाे राति ११ बज बडिगार्डकाे तुरतुरेमा गएको पहिरोले बडीगाड खोला थुनिएर...... पूरा पढ्नुहोस् »

सिर्जना सास्कृतिक परिवारकाे तिज मेलामा सहयाेग अभियान जारि

बागलुङ २७ गते सुरु हुने सिर्जना सास्कृतिक परिवारले अायाेजना गरेकाे तिज मेलामा सहयाेग...... पूरा पढ्नुहोस् »